DlightNews

*સેલમાં 2 PI , 3 PSI નું પોસ્ટિંગ , ગૃહમંત્રીના હસ્તે ઉદ્ઘાટન શહેરમાં ક્રાઇમબ્રાંચ ખાતે ઇકોનોમિક ઓફેન્સ સેલ અને ગોડાદરા પોલીસ સ્ટેશનનું ગુરુવારે ગૃહરાજ્ય મંત્રી પ્રદીપસિંહ જાડેજાના હસ્તે લોકાર્પણ કરાશે . આ પ્રસંગે રાજ્યના પોલીસ વડા આશીષ ભાટીયા , પોલીસ કમિશનર અજય તોમર સહિત ઉચ્ચ પોલીસ અધિકારીઓ તેમજ ધારાસભ્યો ઉપસ્થિત રહેશે . ઇકોનોમિક ઓફેન્સ સેલ ક્રાઇમબ્રાંચમાં શરૂ કરવાની સાથે પોલીસ કમિશનરે સ્ટાફની ભરતી પણ શરૂ કરી દીધી છે . હાલમાં ઇકોનોમિક ઓફેન્સ સેલ 2 પીઆઈ , 3 પીએસઆઈ , 1 એસએસઆઈ સહિત 16 જણાનો સ્ટાફ કાર્યરત છે . આગામી દિવસોમાં બીજા 34 પોલીસકર્મીઓની ભરતી કરવામાં આવશે , અત્યાર સુધી મહેકમને કારણે ઇકોનોમિક ઓફેન્સ સેલની કામગીરી અટકી હતી . હવે સરકાર તરફથી ઇકોનોમિક ઓફેન્સ સેલમાં 50 સ્ટાફનું મહેકમ મજૂર કરી દીધું છે . 2018 માં ઇકોનોમિક ઓફેન્સ સેલ ક્રાઇમબ્રાંચમાં શરૂ કરવામાં આવ્યું હતું . ખાસ કરીને ટેક્સટાઇલ માર્કેટ અને હીરા ઉદ્યોગમાં થતી લાખો - કરોડોની ચિટિંગને લઈ ઈકોનોમિક ઓફેન્સ સેલ શરૂ કરવામાં આવશે . ઉપરાંત ગુરુવારે ગૃહરાજ્ય મંત્રી નવનિર્મીત ગોડાદરા પોલીસ સ્ટેશનનું લોકાર્પણ કરશે . __શહેરને 27 મું પોલીસ સ્ટેશન મળશે ક્રાઇમબ્રાંચમાં ઈકોનોમિક ઓફેન્સ સેલ શરૂ કરાશે , ટોટલ સંખ્યાબળ 50 થશે ત્યારે આ માટેની યોગ્ય જગ્યાની કે પછી અન્ય કોઈ જગ્યાની ગોઠવણી કરાશે . ટૂંકમાં ક્રાઇમબ્રાંચ સાથે સંલગ્ન રહેશે . - અજય તોમર , પોલીસ કમિ . , સુરત શહેર*